"Милан" Франция терма жамоаси ҳужумчиси Маркус Тюрам вакиллари билан музокаралар муваффақиятли ўтишига ишонмоқда. Николо Скиранинг сўзларига кўра, "россонерилар" ҳужумчига бонусларни ҳисобга олмаган ҳолда йилига 5 миллион евро тўлашга тайёр.
Эслатиб ўтамиз, Мёнхенгладбахнинг "Боруссия" клуби ҳужумчиси Маркус Тюрам мавсум охирида "Боруссия"ни текинга тарк этади. 25 ёшли франциялик футболчига “Милан”, “Ювентус”, “Челси”, “Манчестер Юнайтед”, “Ньюкасл”, шунингдек, Испания ва Франция клублари даъвогарлик қилмоқда.
25 ёшли Маркус Тюрам 2019 йилдан бери Мёнхенгладбахнинг "Боруссия"сида ўйнаб келмоқда. Жорий мавсумда франциялик ҳужумчи Германия Бундеслигасида 30та ўйинда майдонга тушиб, 13та гол ва 6та голли узатмани амалга оширди.