Luis Suares 2023 yil boshidan beri "Gremio"da o‘ynamoqda. Urugvaylik futbolchi tizzasidagi jiddiy muammolar tufayli faoliyatini erta yakunlashi mumkin. Braziliya klubi prezidenti Alberto Gerra 36 yoshli Suaresning ahvoli haqida gapirdi.
“Suares o‘zining chegarasiga yetdi. U deyarli har kuni ukol va maxsus muolajalarni oladi. U doimo og‘riqni his qiladi", - deya o‘z sahifalarida "Gremio" prezidentining so‘zlarini keltiradi "GOAL" portali.
Eslatib o‘tamiz, Luis Suares faoliyati davomida “Nasyonal”, “Groningen”, “Ayaks”, “Liverpul”, “Barselona” va “Atletiko” klublarida o‘ynagan.