Луис Суарес 2023 йил бошидан бери "Гремио"да ўйнамоқда. Уругвайлик футболчи тиззасидаги жиддий муаммолар туфайли фаолиятини эрта якунлаши мумкин. Бразилия клуби президенти Альберто Герра 36 ёшли Суареснинг аҳволи ҳақида гапирди.
“Суарес ўзининг чегарасига етди. У деярли ҳар куни укол ва махсус муолажаларни олади. У доимо оғриқни ҳис қилади", - дея ўз саҳифаларида "Гремио" президентининг сўзларини келтиради "GOAL" портали.
Эслатиб ўтамиз, Луис Суарес фаолияти давомида “Насьонал”, “Гронинген”, “Аякс”, “Ливерпуль”, “Барселона” ва “Атлетико” клубларида ўйнаган.
