"Selta" himoyachisi Xavi Galan "Atletiko"ga o‘tish arafasida, deya xabar bermoqda insayder Fabrisio Romano.

Manba bergan xabarga ko‘ra, 28 yoshli futbolchi bugun, 3 iyul kuni madridliklar bilan shartnoma imzolashdan oldin tibbiy ko‘rikdan o‘tadi.

Tomonlar o‘rtasidagi shartnoma 2026 yilgacha mo‘ljallangan. "Selta" ispaniyalik futbolchi uchun 4-5 million yevro mablag‘ oladi va o‘tgan mavsum "Osasuna"da ijara asosida o‘ynagan boshqa himoyachi Manuel Sanchesni o‘z safiga qo‘shib oladi.

O‘tgan mavsumda Galan 40 ta o‘yinda 1 ta gol urdi va 4 ta golli uzatmani amalga oshirdi.