"Сельта" ҳимоячиси Хави Галан "Атлетико"га ўтиш арафасида, дея хабар бермоқда инсайдер Фабрицио Романо.
Манба берган хабарга кўра, 28 ёшли футболчи бугун, 3 июль куни мадридликлар билан шартнома имзолашдан олдин тиббий кўрикдан ўтади.
Томонлар ўртасидаги шартнома 2026 йилгача мўлжалланган. "Сельта" испаниялик футболчи учун 4-5 миллион евро маблағ олади ва ўтган мавсум "Осасуна"да ижара асосида ўйнаган бошқа ҳимоячи Мануэль Санчесни ўз сафига қўшиб олади.
Ўтган мавсумда Галан 40 та ўйинда 1 та гол урди ва 4 та голли узатмани амалга оширди.
