Москванинг «Динамо» клуби ва Парагвай терма жамоасининг ўнг қанот ҳимоячиси Хуан Касерес «Барселона» эътиборини тортди. Бу ҳақда Toro Futbolero нашри хабар бермоқда.
Каталония клуби скаутлари 26 ёшли футболчининг ЖЧ-2026 турниридаги ўйинларидан катта таассурот олишган. Парагвай терма жамоаси мусобақада муваффақиятли иштирок этиб, 1/16 финалда Германияни пенальтилар сериясида мусобақадан чиқариб юборди ва 1/8 финал босқичигача етиб борди. Касерес жамоанинг барча 5 та ўйинида майдонга тушди.
Ҳозирча «Барселона» ва «Динамо» ўртасида расмий музокаралар ўтказилгани йўқ, аммо каталонияликлар парагвайлик ҳимоячини ўзларининг трансфер шорт-листига киритишган.
Футболчининг москваликлар билан амалдаги шартномаси 2029 йилнинг декабригача мўлжалланган. Transfermarkt портали Хуан Касереснинг трансфер қийматини 7 миллион еврога баҳоламоқда.
