"Roma" klubining argentinalik hujumchisi Paulo Dibala Saudiya Arabistoni chempionatiga o‘tishni istamadi. Il Messaggero nashri xabariga ko‘ra, futbolchini "Al-Hilol" o‘z safiga qo‘shib olishni xohlagan.

Saudiya klubi Dibalani 12 million yevroga sotib olishga tayyor edi, bu uning shartnomasida tovon puli sifatida ko‘rsatilgan. Futbolchining o‘ziga maoshini sezilarli darajada oshirish taklif qilingan, ammo hujumchi faoliyatini davom ettirish uchun bu variantdan bosh tortgan. Rim klubida Paulo olti million yevro oladi.

2022/2023 yilgi mavsumda hujumchi A Seriyada 25 ta o‘yinda maydonga tushib, 12 ta gol urdi va 6 ta golli uzatmani amalga oshirdi.