"Рома" клубининг аргентиналик ҳужумчиси Пауло Дибала Саудия Арабистони чемпионатига ўтишни истамади. Il Messaggero нашри хабарига кўра, футболчини "Ал-Ҳилол" ўз сафига қўшиб олишни хоҳлаган.
Саудия клуби Дибалани 12 миллион еврога сотиб олишга тайёр эди, бу унинг шартномасида товон пули сифатида кўрсатилган. Футболчининг ўзига маошини сезиларли даражада ошириш таклиф қилинган, аммо ҳужумчи фаолиятини давом эттириш учун бу вариантдан бош тортган. Рим клубида Пауло олти миллион евро олади.
2022/2023 йилги мавсумда ҳужумчи А Серияда 25 та ўйинда майдонга тушиб, 12 та гол урди ва 6 та голли узатмани амалга оширди.
