Lissabonning "Benfika" klubi o‘z ijtimoiy tarmoqlarida Argentina bayrog‘i hilpirab turgani, "burgutlar"ning uy stadioni "Estadiu da Lush" va klub muxlislari aks etgan rangli qisqa videoni joylashtirdi.
E’lon qilingan dastlabki 10 daqiqadan so‘ng, post yuzlab izohlarga to‘ldi, izoh egalari argentinalik yulduz Anxel di Mariyaning klubga yaqin orada kelishiga ishonmoqda.
Eslatib o‘tamiz, so‘nggi xabarlarga ko‘ra, 35 yoshli argentinalik futbolchi ushbu transfer borasida "Benfika" bilan kelishib olgan.
Avvalroq u erkin agent maqomini olgan holda Turinning "Yuventus" klubini tark etgandi.
