Лиссабоннинг "Бенфика" клуби ўз ижтимоий тармоқларида Аргентина байроғи ҳилпираб тургани, "бургутлар"нинг уй стадиони "Эстадиу да Луш" ва клуб мухлислари акс этган рангли қисқа видеони жойлаштирди.
Эълон қилинган дастлабки 10 дақиқадан сўнг, пост юзлаб изоҳларга тўлди, изоҳ эгалари аргентиналик юлдуз Анхель ди Мариянинг клубга яқин орада келишига ишонмоқда.
Эслатиб ўтамиз, сўнгги хабарларга кўра, 35 ёшли аргентиналик футболчи ушбу трансфер борасида "Бенфика" билан келишиб олган.
Аввалроқ у эркин агент мақомини олган ҳолда Туриннинг "Ювентус" клубини тарк этганди.
