«Манчестер Сити» ва Испания терма жамоаси ярим ҳимоячиси Родрининг агенти Пабло Баркеро футболчи мадридликларга «Барселона»га ўтиш бўйича ўз қарорини шахсан етказганини маълум қилди.

«Ўзини жуда ҳалол ва профессионал тутган «Реал»га бўлган ҳурмати сабабли Родри «Барселона»га ўтиш қарорига келганини клубга шахсан хабар қилди», — дея Баркеронинг сўзларини келтирмоқда El Larguero.

Ярим ҳимоячининг «Манчестер Сити» билан амалдаги шартномаси 2027 йилнинг ёзигача мўлжалланган. Transfermarkt портали футболчининг трансфер қийматини 55 миллион еврога баҳоламоқда.

Родри ЖЧ-2026 турнирининг энг яхши ўйинчиси деб тан олинган эди. Финалда Испания терма жамоаси Аргентинани қўшимча бўлимларда (1:0) мағлуб этган. Испаниялик футболчи ушбу мусобақадаги барча 8 та ўйинда майдонга тушган.

Родри 2019 йилнинг ёзидан бери «Манчестер Сити» шарафини ҳимоя қилиб келмоқда. У жамоа таркибида жами 298 та учрашувда майдонга тушиб, 28 та гол урган ва 32 та голли узатмани амалга оширган.