«Манчестер Сити» испаниялик ярим ҳимоячи Родри Эрнандесни «Барселона»га қанча суммага қўйиб юборишга тайёрлиги маълум бўлди.

Инсайдер Николо Скиранинг хабар беришича, «шаҳарликлар» 30 ёшли «Олтин тўп» соҳиби учун тахминан 60–70 миллион евро олмоқчи. Таъкидланишича, футболчининг ўзи «Барселона» билан шахсий шартнома шартларини келишиб олган. Аввалроқ у «Реал»га ўтишни рад этган эди.

Ўтган мавсумда Родри барча турнирларни ҳисобга олган ҳолда 33 та ўйинда майдонга тушиб, 2 та гол урди.

Аввалроқ «Барселона» Родри учун 45 миллион евродан сал кўпроқ маблағ ажратишга тайёрлиги ҳақида хабар берилган эди.