«Manchester Siti» ispaniyalik yarim himoyachi Rodri Ernandesni «Barselona»ga qancha summaga qo‘yib yuborishga tayyorligi ma’lum bo‘ldi.

Insayder Nikolo Skiraning xabar berishicha, «shaharliklar» 30 yoshli «Oltin to‘p» sohibi uchun taxminan 60–70 million yevro olmoqchi. Ta’kidlanishicha, futbolchining o‘zi «Barselona» bilan shaxsiy shartnoma shartlarini kelishib olgan. Avvalroq u «Real»ga o‘tishni rad etgan edi.

O‘tgan mavsumda Rodri barcha turnirlarni hisobga olgan holda 33 ta o‘yinda maydonga tushib, 2 ta gol urdi.

Avvalroq «Barselona» Rodri uchun 45 million yevrodan sal ko‘proq mablag‘ ajratishga tayyorligi haqida xabar berilgan edi.