"PSJ" yarim himoyachisi Leandro Paredes Turkiyaga ko‘chib o‘tishga yanada yaqinlashdi.
Yaqinda "Galatasaroy" argentinalik futbolchiga qiziqish bildirayotgani haqida xabarlar tarqalgan edi. Insayder Nikolo Skiraning yangilangan ma’lumotlariga ko‘ra, klublar o‘rtasida yarim himoyachining transferi shartlari bo‘yicha muzokaralar olib borilmoqda. Futbolchining o‘zi turk grandi bilan 2027 yilgacha hisoblangan shartnoma imzolashga tayyor.
Leandro Paredesning parijliklar bilan amaldagi shartnomasi kelasi yili tugaydi va uning transfer narxi Transfermarkt tomonidan 12 million yevroga baholangan.
"Galatasaroy"da 29 yoshli futbolchi Mauro Ikardi bilan yana birlashishi mumkin, u allaqachon klub bilan 2026 yilgacha mo‘ljallangan shartnomani kelishib olgan.