"ПСЖ" ярим ҳимоячиси Леандро Паредес Туркияга кўчиб ўтишга янада яқинлашди.
Яқинда "Галатасарой" аргентиналик футболчига қизиқиш билдираётгани ҳақида хабарлар тарқалган эди. Инсайдер Николо Скиранинг янгиланган маълумотларига кўра, клублар ўртасида ярим ҳимоячининг трансфери шартлари бўйича музокаралар олиб борилмоқда. Футболчининг ўзи турк гранди билан 2027 йилгача ҳисобланган шартнома имзолашга тайёр.
Леандро Паредеснинг парижликлар билан амалдаги шартномаси келаси йили тугайди ва унинг трансфер нархи Transfermarkt томонидан 12 миллион еврога баҳоланган.
"Галатасарой"да 29 ёшли футболчи Мауро Икарди билан яна бирлашиши мумкин, у аллақачон клуб билан 2026 йилгача мўлжалланган шартномани келишиб олган.