"Chelsi"ning markaziy himoyachisi Levi Kolvill "Liverpul"ning asosiy transfer maqsadiga aylandi. Bu haqda ijtimoiy tarmoqlarda insayder Jak Talbot ma’lum qildi.

Eslatib o‘tamiz, avvalroq "Chelsi" Kolvill bo‘yicha taklif olgan, biroq futbolchini sotishni qat’iyan rad etgandi, chunki yangi murabbiy uni bo‘lajak loyihaning juda muhim qismi deb biladi.

Kolvillga o‘tgan mavsum ijara asosida o‘ynatgan jamoasi "Brayton" ham qiziqish bildirgan, ular 50 million yevroga sotib olmoqchi edi, ammo "Chelsi" bunga rozi bo‘lmadi.

Manbaga ko‘ra, "Liverpul" Kolvillning mersisaydliklar safiga borib qo‘shilishiga umid qilmoqda.