"Liverpul" sardori Jordan Xenderson keyingi mavsumda mersisaydliklar safida qolishga qaror qildi.
Jurnalist Ben Jeykobsning yozishicha, Angliya terma jamoasi yarim himoyachisi Stiven Jerrard boshqaruvidagi Saudiyaning “Al-Ittifoq” klubiga o‘tmaydi. Xabarlarga ko‘ra, Xenderson boshqa klublarning qiziqishiga qaramay, bor e’tiborini "Liverpul"da o‘ynashga qaratgan. Yarim himoyachining so‘zlariga ko‘ra, uning ingliz grandi uchun o‘yini Garet Sautgeytning bo‘lajak Yevropa chempionati - 2024 uchun qaydnomasiga kirishga yordam beradi.
Jordan Xenderson 2011 yildan buyon “Liverpul” safida to‘p tepmoqda. "Qizillar" tarkibida yarim himoyachi Chempionlar ligasi, Angliya Premyer-ligasi, shuningdek, barcha mumkin bo‘lgan kubok musobaqalarida g‘olib chiqdi.