"Ливерпуль" сардори Жордан Хендерсон кейинги мавсумда мерсисайдликлар сафида қолишга қарор қилди.
Журналист Бен Жейкобснинг ёзишича, Англия терма жамоаси ярим ҳимоячиси Стивен Жеррард бошқарувидаги Саудиянинг “Ал-Иттифоқ” клубига ўтмайди. Хабарларга кўра, Хендерсон бошқа клубларнинг қизиқишига қарамай, бор эътиборини "Ливерпуль"да ўйнашга қаратган. Ярим ҳимоячининг сўзларига кўра, унинг инглиз гранди учун ўйини Гарет Саутгейтнинг бўлажак Европа чемпионати - 2024 учун қайдномасига киришга ёрдам беради.
Жордан Хендерсон 2011 йилдан буён “Ливерпуль” сафида тўп тепмоқда. "Қизиллар" таркибида ярим ҳимоячи Чемпионлар лигаси, Англия Премьер-лигаси, шунингдек, барча мумкин бўлган кубок мусобақаларида ғолиб чиқди.
