"Inter" bosh murabbiyi Simone Indzagi "Chelsi" hujumchisi Romelu Lukakuning transferi borasida fikr bildirdi.

“Lukaku hozir “Chelsi” futbolchisi. U biz uchun qanchalik muhimligini hammamiz bilamiz. Men uni o‘tgan yozda qaytarish uchun qo‘limdan kelganini qildim, shuning uchun biz bu yozda ham Romelu bilan shartnoma imzolashni xohlaymiz.

Biz buni amalga oshirish uchun qo‘limizdan kelganini qilamiz”, - dedi mutaxassis.

Eslatib o‘tamiz, Romelu Lukaku o‘tgan mavsumni "neradzurrilar" safida ijara asosida o‘tkazgan edi.

Belgiyalik futbolchi barcha musobaqalarda 37 ta o‘yinda 14 ta gol urgan. Avvalroq, 2019-2021 yillar oralig‘ida hujumchi 95 uchrashuvda 64 ta gol urgandi va bu "Inter"ning uzoq kutilgan Skudettoni qo‘lga kiritishiga yordam berdi.

Transfermarkt portali 30 yoshli hujumchining narxini 40 million yevroga baholamoqda.