Turinning "Yuventus" klubi o‘zi uchun klubda Dushan Vlaxovich o‘rnini bosa oladigan hujumchilar ro‘yxatini aniqlab oldi.
Eslatib o‘tamiz, serb ushbu mavsumda "Alyans" stadionini tark etishi mumkin. Uning transferiga Fransiyaning "PSJ" klubi faol qiziqish bildirmoqda, Luis Enrike Dushanni jamoasi uchun ideal hujumchi deb hisoblaydi.
Tuttosport xabariga ko‘ra, "Yuventus"ning Vlaxovich o‘rniga nomzodlar ro‘yxatiga "Atalanta"dan Rasmus Xoylund, "Red Bull Zalsburg"dan Noa Okafor, "Lill"dan Jonatan Devid va "Vest Xem"dan Janluka Skamakka kabilar kiradi.
Oldinroq "Yuventus" Vlaxovichni atigi 80 million yevro evaziga qo‘yib yuborishi xabar qilingandi.
