Туриннинг "Ювентус" клуби ўзи учун клубда Душан Влахович ўрнини боса оладиган ҳужумчилар рўйхатини аниқлаб олди.
Эслатиб ўтамиз, серб ушбу мавсумда "Альянц" стадионини тарк этиши мумкин. Унинг трансферига Франциянинг "ПСЖ" клуби фаол қизиқиш билдирмоқда, Луис Энрике Душанни жамоаси учун идеал ҳужумчи деб ҳисоблайди.
Tuttosport хабарига кўра, "Ювентус"нинг Влахович ўрнига номзодлар рўйхатига "Аталанта"дан Расмус Хойлунд, "Ред Булл Зальцбург"дан Ноа Окафор, "Лилл"дан Жонатан Дэвид ва "Вест Хэм"дан Жанлука Скамакка кабилар киради.
Олдинроқ "Ювентус" Влаховични атиги 80 миллион евро эвазига қўйиб юбориши хабар қилинганди.