"Liverpul" yarim himoyachilari Fabinyo va Jordan Xenderson Saudiya Arabistoni klublariga o‘tishga yaqin, deb xabar beradi The Athletic.
Manbaga ko‘ra, "Al-Ittihod" Fabinyo uchun 47 million yevro taklif qilishga tayyor. 29 yoshli braziliyalik o‘tgan mavsumda 49 ta o‘yinda maydonga tushib, 2 ta golli uzatmani amalga oshirgan.
Xenderson 11,5 million yevro evaziga “Al Ittifoq”ga o‘tishi mumkin. Avvalroq Saudiya Arabistoni klubi 33 yoshli angliyalik futbolchiga "Liverpul"nikidan 4 barobar ko‘proq maosh to‘lashga tayyorligi xabar qilingandi.
2022/23 yilgi mavsumda Xenderson barcha musobaqalarda 43 ta o‘yin o‘tkazib, 3 ta golli uzatmani amalga oshirgan.
