"Ливерпуль" ярим ҳимоячилари Фабиньо ва Жордан Хендерсон Саудия Арабистони клубларига ўтишга яқин, деб хабар беради The Athletic.
Манбага кўра, "Ал-Иттиҳод" Фабиньо учун 47 миллион евро таклиф қилишга тайёр. 29 ёшли бразилиялик ўтган мавсумда 49 та ўйинда майдонга тушиб, 2 та голли узатмани амалга оширган.
Хендерсон 11,5 миллион евро эвазига “Ал Иттифоқ”га ўтиши мумкин. Аввалроқ Саудия Арабистони клуби 33 ёшли англиялик футболчига "Ливерпуль"никидан 4 баробар кўпроқ маош тўлашга тайёрлиги хабар қилинганди.
2022/23 йилги мавсумда Хендерсон барча мусобақаларда 43 та ўйин ўтказиб, 3 та голли узатмани амалга оширган.