"Inter" yarim himoyachisi Valentin Karboni "Monsa"ga ko‘chib o‘tdi, deya xabar beradi klub rasmiy sayti.
18 yoshli argentinalik futbolchi bilan ijara shartnomasi 2023/24 yilgi mavsum oxirigacha amal qiladi.
Shu bilan birga, shu yilning yanvar oyida "Monsa" Milan klubidan uning akasi Franko Karbonini ijaraga olgandi. Ularning otasi Ezekiel Karboni "Monsa" yoshlar jamoasiga murabbiylik qiladi.
Karboni o‘tgan mavsumda "Inter" tarkibida 6 ta o‘yinda maydonga tushib, jami 34 daqiqa maydonda o‘ynadi.
Shuningdek, u yoshlar jamoasida 17 ta o‘yinda 5 ta gol urdi va 2 ta golli uzatmani amalga oshirdi.
