Yarim himoyachi Xavi Simons PSVni tark etib, "PSJ" bilan shartnoma imzoladi, deya xabar beradi insayder Fabrisio Romano. Parijliklar 20 yoshli futbolchini 6 million yevroga sotib olish bandini faollashtirishdi.
Qayd etilishicha, Simons klubda faqat Kilian Mbappe yoki Neymar ketgan taqdirdagina qoladi. Agar futbolchilar keyingi mavsumda klubda qolsa, Simons ijaraga beriladi.
Yarim himoyachining PSV bilan shartnomasi 2027 yilning yoziga qadar tuzilgan. 2022/23 yilgi mavsumda u jamoa safida 48 ta o‘yinda maydonga tushib, 22 ta gol urdi va 12 ta golli uzatmani amalga oshirdi.
