"Parma" darvozaboni Janluiji Buffon yaqin orada futbolchilik faoliyatini yakunlashini ma’lum qildi. Insayder Matteo Morettoning so‘zlariga ko‘ra, 45 yoshli italiyalik futbolchi allaqachon faoliyatini yakunlashga qaror qilgan.

Buffon o‘tgan mavsumda Italiya ikkinchi divizionida 18 ta o‘yinda maydonga tushib, 22 ta gol o‘tkazib yuborgan. Shuningdek, 5 ta uchrashuvda o‘z darvozasi daxlsizligini saqlagan.