"Valensiya" yarim himoyachisi Yunus Musa bugun Italiyaga keladi va "Milan"ga o‘tishdan oldin tibbiy ko‘rikdan o‘tadi, deya xabar bermoqda Calciomercato nashri.
Ikkala klub ham 20 yoshli amerikalik futbolchining transferi shartlari bo‘yicha kelishib olishgan - 18 million yevro + 2 million bonuslar.
Futbolchi mavsumiga 2 million yevro evaziga 5 yillik shartnoma imzolaydi.
Yangi jamoasida yarim himoyachi o‘zining kumiri Ronaldinyo sharafiga 80-raqam ostida harakat qiladi. Ronaldinyo 2008 yilning yozidan 2011 yilning qishigacha 80-raqam ostida "rossonerilar" safida o‘ynagan.
