Ushbu yozda «Chelsi» bosh murabbiyi lavozimini egallagan argentinalik mutaxassis Maurisio Pochettino jamoasiga yangi hujumchi izlash haqida gapirdi.
«Endi hujum uchun kerakli o‘yinchini topish unchalik oson emas. Biz jarayondamiz, buning ustida ishlayapmiz.
Biz klubni bir vaqtning o‘zida bir nechta yaxshi hujumchilar bilan kuchaytirmoqchimiz. Bunga barcha kuchlar tashlanmoqda», - deya murabbiyning so‘zlarini keltiradi Insayder Fabrisio Romano o‘z ijtimoiy tarmoqlarida.
Avvalroq «aristokratlar» fransiyalik hujumchi Kristofer Nkunku bilan shartnoma imzolagan edi, biroq futbolchi jiddiy jarohat olib, bir necha oyga safdan chiqqandi.
