"Liverpul" va "Fluminense" yarim himoyachi Andrening transferi shartlari bo‘yicha kelisha olmadi.

Ingliz grandi 22 yoshli yarim himoyachi uchun taxminan 30 million yevro taklif qilgan, biroq “Fluminense” rad javobini bergan. ESPN xabariga ko‘ra, "Liverpul" nihoyat Andreni sotib olishdan bosh tortishi mumkin, chunki ular Braziliya klubining talablarini juda yuqori deb hisoblaydilar. "Qizillar" rahbariyati yozgi oyna yopilguniga qadar yarim himoyani kuchaytirish umidida asosiy e’tiborini boshqa transfer maqsadlariga qaratadi.

Andre shu yilning iyun oyida Braziliya terma jamoasida debyut qilgandi. Futbolchi “Fluminense” safida 148 ta o‘yinda maydonga tushib, 3 ta gol va 3 ta golli uzatmaga mualliflik qilgan.