"Manchester Yunayted" markaziy himoyachisi Xarri Maguayr hamon "Vest Xem"ga o‘tishi mumkin.
"Bolg‘achilar" allaqachon 30 yoshli futbolchining transferi bo‘yicha muzokaralar olib borishga harakat qilishgan, biroq uning maoshi bo‘yicha talablarini qondira olishmagan. Keyinchalik, nufuzli manbalar Maguayrning "Manchester Yunayted"ni tark etmasligi haqida xabar berishdi, ammo jurnalist Alan Niksonning yangilangan ma’lumotlariga ko‘ra, kelishuv hali ham amalga oshishi mumkin. "Vest Xem" transfer oynasining so‘nggi kunlarida transferni amalga oshirish umidida Angliya markaziy himoyachisi uchun muzokaralarni qayta boshladi. Ayni damda tomonlar kelishuvdan uzoqda.
Transfermarkt nashri Xarri Maguayrni 20 million yevroga baholagan.