Bir nechta turli manbalar Yevropa Komissiyasidan Premyer-liganing ikkala klubini Yevropa Ittifoqining xorijiy subsidiyalar bo‘yicha yangi qoidalariga muvofiqligini tekshirishni so‘rashdi.

Gap shundaki, "Manchester Siti" aslida BAA shayxlariga, "Nyukasl" esa Saudiya Arabistoni Suveren Jamg‘armasiga (PIF) tegishli. Buyuk Britaniya Yevropa Ittifoqini tark etgan bo‘lsa ham, Premyer-liga klublari hali ham xorijiy subsidiya qoidalariga bo‘ysunadi.

"Biz baholayotgan futbol klublari, shu jumladan, Buyuk Britaniya klublariga tegishli zikr etilgan materiallarni olganimizni tan olishimiz mumkin.

Xorijiy subsidiyalar to‘g‘risidagi nizom Yevropa Ittifoqiga a’zo bo‘lmagan hukumatlar tomonidan Yevropa Ittifoqi ichki bozorida biznes yurituvchi kompaniyalarga taqdim etiladigan moliyaviy badallar natijasida yuzaga kelgan buzilishlarni bartaraf etadi" - dedi Yevropa Komissiyasi vakili.

Ayni damda ingliz klublari ustidan kim shikoyat qilgani ma’lum emas. Daily Mail nashri bu La Liga bo‘lishi mumkinligini taxmin qildi, u ikki hafta oldin "PSJ" ustidan Yevrokomissiyaga shikoyat qilgan, chunki u Qatardan moliyalashtirish bozorni buzadi va Yevropa Ittifoqi qoidalariga zid deb hisoblaydi. La Liga esa bunga izoh berishdan bosh tortdi.