Бир нечта турли манбалар Европа Комиссиясидан Премьер-лиганинг иккала клубини Европа Иттифоқининг хорижий субсидиялар бўйича янги қоидаларига мувофиқлигини текширишни сўрашди.
Гап шундаки, "Манчестер Сити" аслида БАА шайхларига, "Ньюкасл" эса Саудия Арабистони Суверен Жамғармасига (PIF) тегишли. Буюк Британия Европа Иттифоқини тарк этган бўлса ҳам, Премьер-лига клублари ҳали ҳам хорижий субсидия қоидаларига бўйсунади.
"Биз баҳолаётган футбол клублари, шу жумладан, Буюк Британия клубларига тегишли зикр этилган материалларни олганимизни тан олишимиз мумкин.
Хорижий субсидиялар тўғрисидаги низом Европа Иттифоқига аъзо бўлмаган ҳукуматлар томонидан Европа Иттифоқи ички бозорида бизнес юритувчи компанияларга тақдим этиладиган молиявий бадаллар натижасида юзага келган бузилишларни бартараф этади" - деди Европа Комиссияси вакили.
Айни дамда инглиз клублари устидан ким шикоят қилгани маълум эмас. Daily Mail нашри бу Ла Лига бўлиши мумкинлигини тахмин қилди, у икки ҳафта олдин "ПСЖ" устидан Еврокомиссияга шикоят қилган, чунки у Қатардан молиялаштириш бозорни бузади ва Европа Иттифоқи қоидаларига зид деб ҳисоблайди. Ла Лига эса бунга изоҳ беришдан бош тортди.
