“Реал Мадрид” клуби “Манчестер Сити” яримҳимоячиси Родрига қизиқиш билдираётгани ҳақидаги маълумотларни кескин рад этиб, буни “ёлғон” деб атади. АS нашрининг ёзишича, “қироллик клуби” 30 ёшли футболчининг вакиллари билан умуман алоқа ўрнатмаган. Шу боис, унинг эҳтимолий трансфери атрофидаги асоссиз миш-мишлар клуб раҳбариятининг ғашига тегмоқда.

Манбага кўра, “Реал” бош мураббийи Жозе Моуриньо жамоада мутлақо бошқача ўйин услубини шакллантирмоқчи ва Родрининг ҳаракатлари бу тизимга мос тушмайди. Шу боис мадридликлар ҳозирча бу трансферни амалга ошириш ниятида эмас. Шунга қарамай, испаниялик футболчининг ўзи “Манчестер Сити”дан кетишни режалаштирган. “Шаҳарликлар” эса 2026-йилги Жаҳон чемпионини тахминан 60 миллион евро эвазига сотишга тайёр.

Маълумот учун, ўтган мавсумда Родри барча турнирлар доирасида жами 33 та учрашувда майдонга тушиб, 2 та гол уришга муваффақ бўлди. Унинг “шаҳарликлар” билан амалдаги шартномаси 2027-йилнинг ёзига қадар мўлжалланган. Transfermarkt порталига кўра, футболчининг ҳозирги бозор қиймати 50 миллион еврони ташкил этади.