“Real Madrid” klubi “Manchester Siti” yarimhimoyachisi Rodriga qiziqish bildirayotgani haqidagi ma’lumotlarni keskin rad etib, buni “yolg‘on” deb atadi. AS nashrining yozishicha, “qirollik klubi” 30 yoshli futbolchining vakillari bilan umuman aloqa o‘rnatmagan. Shu bois, uning ehtimoliy transferi atrofidagi asossiz mish-mishlar klub rahbariyatining g‘ashiga tegmoqda.

Manbaga ko‘ra, “Real” bosh murabbiyi Joze Mourinyo jamoada mutlaqo boshqacha o‘yin uslubini shakllantirmoqchi va Rodrining harakatlari bu tizimga mos tushmaydi. Shu bois madridliklar hozircha bu transferni amalga oshirish niyatida emas. Shunga qaramay, ispaniyalik futbolchining o‘zi “Manchester Siti”dan ketishni rejalashtirgan. “Shaharliklar” esa 2026-yilgi Jahon chempionini taxminan 60 million yevro evaziga sotishga tayyor.

Ma’lumot uchun, o‘tgan mavsumda Rodri barcha turnirlar doirasida jami 33 ta uchrashuvda maydonga tushib, 2 ta gol urishga muvaffaq bo‘ldi. Uning “shaharliklar” bilan amaldagi shartnomasi 2027-yilning yoziga qadar mo‘ljallangan. Transfermarkt portaliga ko‘ra, futbolchining hozirgi bozor qiymati 50 million yevroni tashkil etadi.