Майкл Олисе «Реал»га ўтишга қарор қилди. Бу ҳақда El Nacional нашри хабар бермоқда.
Франциялик вингер «Бавария» раҳбарияти билан учрашишга ва расман трансфер сўрашга тайёр. «Реал» вазиятни синчковлик билан кузатиб бормоқда. Мадридликлар немис клуби билан муносабатларни бузишни хоҳлашмаяпти ва фақат Олисе кетмоқчи эканини маълум қилганидан кейингина трансфер устидаги ишларни бошлашади.
Ўтган мавсумда Майкл Олисе «Бавария» сафида 52 та ўйинда майдонга тушди. Уларда вингер 22 та гол урди ва 31 та голли узатмага муаллифлик қилди. Transfermarkt портали футболчининг қийматини 170 миллион еврога баҳоламоқда.
