«Барселона» ярим ҳимоячиси Родри Эрнандес Ханс-Дитер Фликнинг машғулотларидан ҳайратда қолганини тан олди. 30 ёшли испаниялик футболчи август ойида «Манчестер Сити»дан Каталония клубига ўтган эди.

«Гвардиола ва Флик ўртасида умуман ўхшашлик йўқ. «Барселона»га ўтаётганимда рондо ва тўпга эгалик қилиш философиясига дуч келаман деб ўйлагандим, лекин бунинг ўрнига дастлабки тўрт кунда мени жисмоний жиҳатдан шунчалик толиқтиришдики, «Ўзи қаерга тушиб қолдим?» деб ўйлаб қолдим», — деди Родри El Partidazo de COPE эфирида.

Ярим ҳимоячига Мадриднинг «Реал» клуби ҳам даъвогарлик қилган эди, бироқ футболчи «қаймоқранглилар»га хушмуомалалик билан рад жавобини бериб, «кўк-анорранглилар» лойиҳасини маъқул кўрган.