"Bavariya"ga yangi kelgan Xarri Keyn myunxenliklar bosh murabbiyi Tomas Tuxel haqida o‘z fikrlari bilan o‘rtoqlashdi.

"Biz Premyer-ligada bir necha bor uchrashganmiz. Yozda bir-birimizni ko‘rganimizda, u darhol o‘z energiyasi bilan meni hayratda qoldirdi. Tomas Tuxel g‘oyalarga to‘la, u ajoyib inson. Murabbiy bilan yaxshi munosabatda bo‘lish men uchun muhim. Buning poydevori dastlabki bosqichda qo‘yilgan. Tomas o‘ylagan narsasini yuziga aytadi va u bilan xuddi shunday halol bo‘lishni xohlaydi. Biz professional darajada ham, insoniy darajada ham juda yaxshi bog‘lanamiz" - dedi Keyn Bild nashriga bergan intervyusida.