"Roma" "Tottenxem" darvozaboni Ugo Lyorisni o‘z safiga qo‘shib olmoqchi.
36 yoshli futbolchi "shporlar" tomonidan transferga qo‘yilgandi, ammo haligacha o‘ziga yangi klub topa olmadi. Lyorisga "Lasio" qiziqish bildirgan, ammo kiper rimliklar safiga o‘tishni istamagan. La Republlicca xabariga ko‘ra, Rimning yana bir giganti “Roma” darvozabonni nishonga olgan. “Bo‘rilar” rahbariyati “Tottenxem” vakillari va futbolchining atrofidagilar bilan ehtimoliy kelishuvni muhokama qilib bo‘ldi.
"Tottenxem"da 11 yil davomida Ugo Lyoris 447 ta o‘yinda maydonga tushib, 508 ta gol o‘tkazib yuborgan. London klubi Fransiyaning sobiq sardori transferi uchun tovon puli talab qilmasligi kutilmoqda.
