"Real" darvozaboni Kepa Arrisabalaga Luka Modrich faoliyatini yakunlash haqida o‘ylashga hali erta deb hisoblamoqda.
9 sentyabr kuni 38 yoshga to‘ladigan xorvatiyalik yarim himoyachi o‘tgan mavsum yakunlanganidan keyin shartnomasini uzaytirib, klubda qolishga qaror qildi. Joriy mavsumda Modrich "qaymoqranglilar"ning asosiy o‘yinchisi emas, ammo Karlo Anchelottining so‘zlariga ko‘ra, u hali ham hal qiluvchi rol o‘ynaydi.
"Luka haqida nima deya olasiz? Ko‘p narsa allaqachon aytilgan. U ajoyib fazilatlarga ega, futbolni tugatishga hali erta. Menimcha, u imkon qadar uzoqroq o‘ynashi kerak - imkon qadar. U "Real Madrid"ning asosiy o‘yinchisi, uni hamma juda yaxshi ko‘radi", - dedi ispaniyalik darvozabon matbuot anjumanida.
