"Sheffild Yunayted" klubi hujumchi Andre Ayyuga qiziqish bildirmoqda.
Ganalik futbolchi fevral oyida "Nottingem Forest" safiga qo‘shilgandi, ammo "o‘rmonchilar" tarkibida qolmadi va iyul oyida klubni erkin agent sifatida tark etdi. Jurnalist Ekrem Konurning so‘zlariga ko‘ra, Ayyu tez orada yana Angliya Premyer-ligasiga qaytishi mumkin: "Sheffild Yunayted" transfer oynasi yopilgunga qadar o‘ziga yangi klub topa olmagan 33 yoshli forvardni qo‘lga kiritish imkoniyatlarini o‘rganmoqda.
Andre Ayyu Angliya chempionatining so‘nggi mavsumida 13 marta maydonga tushib, gol ura olmadi.