"Шеффилд Юнайтед" клуби ҳужумчи Андре Айюга қизиқиш билдирмоқда.
Ганалик футболчи февраль ойида "Ноттингем Форест" сафига қўшилганди, аммо "ўрмончилар" таркибида қолмади ва июль ойида клубни эркин агент сифатида тарк этди. Журналист Экрем Конурнинг сўзларига кўра, Айю тез орада яна Англия Премьер-лигасига қайтиши мумкин: "Шеффилд Юнайтед" трансфер ойнаси ёпилгунга қадар ўзига янги клуб топа олмаган 33 ёшли форвардни қўлга киритиш имкониятларини ўрганмоқда.
Андре Айю Англия чемпионатининг сўнгги мавсумида 13 марта майдонга тушиб, гол ура олмади.