Britaniyalik jurnalist Pirs Morgan «Manchester Yunayted»ning Angliya chempionatining 5-turida «Brayton»dan o‘z maydonida uchralgan mag‘lubiyatiga (1:3) munosabat bildirdi.
«MYU»ni o‘z uyida «Brayton» mag‘lub etdi. Krishtianu Ronalduning murabbiy Ten Hag haqidagi so‘zlariga shubha qilganlar hamon bormi?
KriRoning ketishi bilan hammasi yomonlashdi», — deya xabar qoldirgan jurnalist ijtimoiy tarmoqlarida.
Kechagi muvaffaqiyatsizlikdan so‘ng, «qizil iblislar» olti ochko jamg‘arib, turnir jadvalida bor-yo‘g‘i 13-o‘rinni egallab turibdi.
Qayd etish joizki, bu «mankunianliklar» uchun 1989 yildan beri APLdagi eng yomon start hisoblanadi.
