Британиялик журналист Пирс Морган «Манчестер Юнайтед»нинг Англия чемпионатининг 5-турида «Брайтон»дан ўз майдонида учралган мағлубиятига (1:3) муносабат билдирди.
«МЮ»ни ўз уйида «Брайтон» мағлуб этди. Криштиану Роналдунинг мураббий Тен Ҳаг ҳақидаги сўзларига шубҳа қилганлар ҳамон борми?
КриРонинг кетиши билан ҳаммаси ёмонлашди», — дея хабар қолдирган журналист ижтимоий тармоқларида.
Кечаги муваффақиятсизликдан сўнг, «қизил иблислар» олти очко жамғариб, турнир жадвалида бор-йўғи 13-ўринни эгаллаб турибди.
Қайд этиш жоизки, бу «манкунианликлар» учун 1989 йилдан бери АПЛдаги энг ёмон старт ҳисобланади.
