"Bavariya" hujumchisi Xarri Keyn "Real"ning sobiq hujumchisi Karim Benzemani so‘nggi o‘n yillikning eng yaxshi hujumchilaridan biri deb atadi.
"Shubhasiz, Benzema so‘nggi o‘n yillikning eng yaxshi hujumchilaridan biri edi. U gol urishga va golli uzatma berishga qodir edi. Yaxshi pas beradigan juda aqlli futbolchi. Karim men ko‘p narsalarni o‘rganganlardan biri", - deb Keyn so‘zlarini keltirmoqda Ispaniyaning Marca nashri.
Benzema o‘tgan yozda "Real"ni erkin agent sifatida tark etgandi. Fransuz Saudiya Arabistoniga ko‘chib o‘tdi va u erda "Al-Ittihod" bilan shartnoma imzoladi.