"Manchester Siti" himoyachisi Kayl Uoker jamoaga yangi kelgan Jeremi Dokuning o‘yinlari haqida fikr bildirdi. Eslatib o‘tamiz, belgiyalik vinger Pep Gvardiola jamoasiga "Renn"dan taxminan 60 million yevro evaziga o‘tgan edi.
"Doku hali o‘sishga erishadi. O‘ylaymanki, u murabbiyimiz va uning xodimlari bilan o‘ziga kerakli narsaga erishadi. Ammo hozir ham u zaxiradan maydonga tushganda qanot himoyachilari uchun dahshatli tush bo‘lib qoladi", - dedi Uoker.
Angliya Premyer-ligasining ikkita uchrashuvida Doku bitta gol urdi. Belgiya terma jamoasi futbolchisiga yozda "Chelsi" ham qiziqish bildirgan, biroq u "Manchester Siti"ni tanlagandi.
