“Inter Mayami” hujumchisi Lionel Messi yaqin orada tibbiy ko‘rikdan o‘tadi.

Eslatib o‘tamiz, Messi “Toronto” bilan so‘nggi o‘yinda (4:0) jarohat olgan edi. Futbolchi o‘yinning 37-daqiqasida maydonni tark etdi.

ESPN nashri xabariga ko‘ra, Messi ertaga, 22 sentyabr kuni jarohatning aniq xususiyatini aniqlash uchun rentgen tekshiruvidan o‘tadi, agar jarohat mavjud bo‘lsa.

Joriy mavsumda 36 yoshli Messi barcha turnirlarni hisobga olgan holda 12ta o‘yinda qatnashib, 11ta gol urdi va 5ta golga assistentlik qildi.

"Inter Mayami"ning navbatdagi o‘yini 25 sentyabr kuni "Orlando"ga qarshi bo‘lib o‘tadi.