"Real Madrid" turli ijtimoiy tarmoqlarda jami 500 milliondan ortiq obunachiga ega.
Madrid o‘z veb-saytida Blinkfire taqdim etgan ma’lumotlarga asoslanib, boshqa hech bir sport klubi hali bu natijadan o‘ta olmaganini ma’lum qildi. Shu tariqa "Real Madrid" jahon rekordini o‘rnatdi.
"Real Madrid" o‘zining boshqa sport turidagi jamoalari (jumladan, basketbol) va filiallari uchun 37 ta rasmiy akkauntga ega. Sahifalar yetti tilda yuritiladi.
“Oxirgi yutuq klubning raqamli muhitdagi ustunligini oshiradi. Bizda futbol jamoalari orasida eng ko‘p tashrif buyuriladigan veb-sayt mavjud - oyiga 8,9 million tashrif buyuruvchilar", - deya qo‘shimcha qiladi "Real Madrid" matbuot xizmati.
