"Реал Мадрид" турли ижтимоий тармоқларда жами 500 миллиондан ортиқ обуначига эга.
Мадрид ўз веб-сайтида Blinkfire тақдим этган маълумотларга асосланиб, бошқа ҳеч бир спорт клуби ҳали бу натижадан ўта олмаганини маълум қилди. Шу тариқа "Реал Мадрид" жаҳон рекордини ўрнатди.
"Реал Мадрид" ўзининг бошқа спорт туридаги жамоалари (жумладан, баскетбол) ва филиаллари учун 37 та расмий аккаунтга эга. Саҳифалар етти тилда юритилади.
“Охирги ютуқ клубнинг рақамли муҳитдаги устунлигини оширади. Бизда футбол жамоалари орасида энг кўп ташриф буюриладиган веб-сайт мавжуд - ойига 8,9 миллион ташриф буюрувчилар", - дея қўшимча қилади "Реал Мадрид" матбуот хизмати.
