«RB Leypsig» hujumchisi Lui Openda jamoasining joriy mavsumdagi maqsadlari haqida gapirdi.

Hozir jamoa besh turdan so‘ng Bundesligada to‘rtinchi o‘rinni egallab turibdi, biroq birinchi o‘rindan farq bir ochkoga teng.

«Asosiy maqsad – kuchli to‘rtlikka kirish. Bilaman, Germaniyadagi ko‘plab muxlislar nihoyat boshqa chempionni ko‘rishni xohlashadi. Fransiyada «PSJ» bilan ham vaziyat xuddi shunday.

Biz «Bavariya», «Borussiya Dortmund» va boshqalarni mag‘lub etishga tayyormiz. Lekin biror narsaga erishishdan oldin, g‘alaba qozonish kerak», - dedi Openda Bild nashriga.

Openda o‘tgan yozda «Lans»dan «RB Leypsig»ga ko‘chib o‘tgandi. Lui allaqachon Bundesliganing beshta turida uchta gol urgan.