«РБ Лейпциг» ҳужумчиси Луи Опенда жамоасининг жорий мавсумдаги мақсадлари ҳақида гапирди.

Ҳозир жамоа беш турдан сўнг Бундеслигада тўртинчи ўринни эгаллаб турибди, бироқ биринчи ўриндан фарқ бир очкога тенг.

«Асосий мақсад – кучли тўртликка кириш. Биламан, Германиядаги кўплаб мухлислар ниҳоят бошқа чемпионни кўришни хоҳлашади. Францияда «ПСЖ» билан ҳам вазият худди шундай.

Биз «Бавария», «Боруссия Дортмунд» ва бошқаларни мағлуб этишга тайёрмиз. Лекин бирор нарсага эришишдан олдин, ғалаба қозониш керак», - деди Опенда Bild нашрига.

Опенда ўтган ёзда «Ланс»дан «РБ Лейпциг»га кўчиб ўтганди. Луи аллақачон Бундеслиганинг бешта турида учта гол урган.